ری ویو ٹائم ان ناولز ورلڈ

2020-06-11 19:04:16 Written by شبنم شاہد

views:198

ﺗﺒﺼﺮﮦ : ﺷﺒﻨﻢ ﺷﺎﮨﺪ

ﻧﺎﻭﻝ : ﺟﻨﺖ ﮐﮯ ﭘﺘﮯ

ﺟﻨﺖ ﮐﮯ ﭘﺘﮯ ﻧﺎﻭﻝ ﻭﺍﻗﻌﯽ ﺯﺑﺮﺩﺳﺖ ﺭﮨﺎ۔ ﭘﮍﮪ ﮐﺮ ﺍﻧﺴﯿﺖ ﺳﯽ ﮨﻮ ﮔﺌﯽ ﺍﺱ ﻧﺎﻭﻝ ﺳﮯ۔ ﺟﺲ ﮐﺎ ﺍﺛﺮ ﺯﺍﺋﻞ ﮨﻮﻧﮯ ﻣﯿﮟ ﮐﺎﻓﯽ ﻭﻗﺖ ﻟﮕﺎ۔ ﺳﺐ ﺳﮯ ﭘﮩﻠﮯ ﺗﻌﺮﯾﻒ ﮐﺮﻭﮞ ﮔﯽ ﺍﺱ ﻧﺎﻭﻝ ﮐﯽ۔

ﺷﺮﻭﻉ ﻣﯿﮟ ﭘﮍﮪ ﮐﺮ ﺍﯾﺴﺎ ﻟﮓ ﺳﮑﺘﺎ ﮨﮯ ﺟﯿﺴﮯ ﺑﮭﻮﺕ ﺁﺳﯿﺐ ﮐﺎ ﭼﮑﺮ ﮨﻮ۔ ﻣﮕﺮ ﻟﮑﮭﺎ ﺍﻧﺘﮩﺎﺋﯽ ﺷﺎﻧﺪﺍﺭ ﮨﮯ۔ ﻣﯿﺮﮮ ﻭﮨﻢ ﻭ ﮔﻤﺎﻥ ﻣﯿﮟ ﺑﮭﯽ ﯾﮧ ﺑﺎﺕ ﻧﮩﯿﮟ ﻣﻨﮉﻻﺋﯽ ﺗﮭﯽ ﮐﮧ ﻋﺒﺪﺍﻟﺮﺣﻤﺎﻥ ﺍﻭﺭ ﮈﻭﻟﯽ ﺟﮩﺎﻥ ﺳﮑﻨﺪﺭ ﮨﯽ ﮨﯿﮟ۔ ﺟﮩﺎﻥ ﺳﮑﻨﺪﺭ ﮐﺎ ﮐﺮﺩﺍﺭ ﺑﮩﺖ ﺍﭼﮭﺎ ﺗﮭﺎ۔ ﺑﮯﺷﮏ ﻭﮦ ﺗﮭﻮﮌﺍ ﻏﺼﮯ ﻭﺍﻻ ﺗﮭﺎ ﻣﮕﺮ ﭘﮭﺮ ﺑﮭﯽ ﺍﭼﮭﺎ ﺍﻧﺴﺎﻥ ﺗﮭﺎ۔ ﺣﯿﺎ ﮐﮯ ﺳﺎﺗﮫ ﻭﮦ ﯾﻮﮞ ﺑﺎﺕ ﮐﺮﺗﺎ ﺗﮭﺎ ﺟﯿﺴﮯ ﻭﮦ ﺍﺳﮯ ﺟﺎﻧﺘﺎ ﮨﯽ ﻧﮧ ﮨﻮ۔ ﯾﮧ ﺑﺎﺕ ﻣﺠﮭﮯ ﺑﮩﺖ ﮨﯽ ﭼﺒﮭﺘﯽ ﺗﮭﯽ۔ ﺟﮩﺎﻥ ﺷﺮﻭﻉ ﺷﺮﻭﻉ ﻣﯿﮟ ﻻﭘﺮﻭﺍﮦ ﺍﻭﺭ ﺑﺪﺗﻤﯿﺰ ﺍﻧﺴﺎﻥ ﻟﮕﺘﺎ ﺗﮭﺎ ﻣﮕﺮ ﺑﻌﺪ ﻣﯿﮟ ﻭﺍﻗﻌﯽ ﯾﮧ ﻏﻠﻂ ﻓﮩﻤﯽ ﺩﻭﺭ ﮨﻮ ﮔﺌﯽ۔ ﺍﺱ ﻧﮯ ﮐﺲ ﻃﺮﺡ ﺍﭘﻨﯽ

ﺯﻣﯿﺪﺍﺭﯼ ﻧﺒﮭﺎﺋﯽ ﺍﻭﺭ ﺳﺐ ﺳﮯ ﺑﮍﮪ ﮐﺮ ﺍﭘﻨﮯ ﻣﺎﻣﻮﺅﮞ ﮐﻮ ﺑﮭﯽ ﻣﻌﺎﻑ ﮐﯿﺎ۔ ﺣﺎﻻﻧﮑﮧ ﯾﮧ ﺑﮍﮮ ﻇﺮﻑ ﮐﯽ ﺑﺎﺕ ﺗﮭﯽ۔ ﺍﺱ ﻧﮯ ﺩﻝ ﺳﮯ ﺍﻧﮩﯿﮟ ﻣﻌﺎﻑ ﮐﯿﺎ ﯾﮧ ﺑﺎﺕ ﺍﺱ ﻣﯿﮟ ﺧﻮﺏ ﺗﮭﯽ۔ ﺯﺑﺮﺩﺳﺖ ﺳﯿﻦ ﺗﮭﺎ ﻭﮦ ﺟﺐ ﻭﻟﯿﺪ ﺍﻭﺭ ﺍﺱ ﮐﮯ ﺑﺎﭖ ﮐﮯ ﺳﺎﻣﻨﮯ ﻭﮦ ﺧﻮﺩ ﮐﺎ ﺗﻌﺎﺭﻑ ﮐﺮﻭﺍﺗﺎ ﮨﮯ۔ ﺣﯿﺎ ﮐﮧ ﺳﺎﺗﮫ ﺳﺎﺗﮫ ﮨﻤﯿﮟ ﺑﮭﯽ ﺩﮬﭽﮑﺎ ﻟﮕﺎ۔ ﺧﻮﺷﯽ ﮐﺎ ﺩﮬﭽﮑﺎ ! ﺑﯿﭽﺎﺭﯼ ﺣﯿﺎ ﮐﺎ ﺟﻨﺠﺮ ﺑﺮﯾﮉ ﺑﮭﯽ ﺗﻮﮌﺍ ﻏﻠﻄﯽ ﺳﮯ ﺍﻭﺭ ﺳﺐ ﺳﮯ ﮨﻨﺴﯽ ﻭﺍﻟﯽ ﺑﺎﺕ ﮐﮯ ﺣﯿﺎ ﮨﺮ ﺑﺎﺭ ﺍﺱ ﭘﺮ ﻏﺼﮯ ﮐﭽﮫ ﺗﻮﮌ ﭘﮭﻮﮌ ﺩﯾﺘﯽ ﺗﮭﯽ۔ ﺗﺐ ﻣﺴﮑﺮﺍﮨﭧ ﭼﮩﺮﮮ ﭘﺮ ﺁ ﺟﺎﺗﯽ ﺗﮭﯽ۔ ﮐﺒﮭﯽ ﺟﻮﺱ ﺗﻮ ﮐﺒﮭﯽ ﺳﻠﺶ۔

ﺣﯿﺎ ﮐﯽ ﺳﻮﭺ ﺷﺮﻭﻉ ﺷﺮﻭﻉ ﻣﯿﮟ ﺑﮩﺖ ﺑﺮﯼ ﺗﮭﯽ۔ ﺧﻮﺩ ﮐﻮ ﮈﮬﮑﮯ ﺑﻨﺎ ﮨﯽ ﻭﮦ ﺑﺎﮨﺮ ﭼﻠﯽ ﺟﺎﯾﺎ ﮐﺮﺗﯽ ﺗﮭﯽ۔ ﺍﻥ ﺳﺐ ﭼﯿﺰﻭﮞ ﮐﻮ ﻭﮦ ﺑﺮﺍ ﻧﮩﯿﮟ ﺳﻤﺠﮭﺘﯽ ﺗﮭﯽ۔ ﺍﺱ ﮐﮯ ﭘﺮﺩﮦ ﻧﮧ ﮐﺮﻧﮯ ﮐﯽ ﻭﺟﮧ ﺳﮯ ﺍﺱ ﮐﮯ ﮐﺰﻥ ﺑﮭﯽ ﺍﺱ ﮐﮯ ﺑﺎﺭﮮ ﻣﯿﮟ ﺳﻮﭼﻨﮯ ﻟﮕﮯ ﺗﮭﮯ۔ ﯾﮧ ﺗﻮ ﮨﻮﻧﺎ ﮨﯽ ﺗﮭﺎ۔ ﻣﮕﺮ ﺟﯿﺴﮯ ﺟﯿﺴﮯ ﻭﻗﺖ ﮔﺰﺭﺗﺎ ﮔﯿﺎ ﺍﺳﮯ ﺳﺐ ﺳﻤﺠﮫ ﺁﺗﺎ ﮔﯿﺎ۔ ﻭﮦ ﺧﻮﺩ ﮐﻮ ﮈﮬﺎﻧﭙﻨﺎ ﺑﮭﯽ ﺷﺮﻭﻉ ﮨﻮ ﮔﺌﯽ۔ ﺳﺐ ﮐﭽﮫ ﭼﮭﻮﮌ ﺩﯾﺎ ﺻﺮﻑ ﺍﻟﻠّٰﻪ ﮐﮯ ﻟﯿﮯ ﺍﻭﺭ ﺍﯾﮏ ﺍﭼﮭﯽ ﻣﺴﻠﻤﺎﻥ ﺑﻨﻨﮯ ﮐﮯ ﻟﯿﮯ۔ ﺍﺱ ﮐﯽ ﺗﻤﺎﻡ ﻣﺸﮑﻼﺕ ﺑﮭﯽ ﺩﻭﺭ ﮨﻮﺗﯽ ﮔﺌﯿﮟ۔ ﺟﻮ ﺟﻮ ﺍﺱ ﻧﮯ ﮐﯿﺎ ﺍﺱ ﮐﮯ ﻟﯿﮯ ﻭﺍﻗﻌﯽ ﮨﻤﺖ ﭼﺎﮨﯿﮯ ﮨﻮﺗﯽ ﮨﮯ ﺍﻭﺭ ﻟﻮﮔﻮﮞ ﮐﻮ ﻓﯿﺲ ﮐﺮﻧﮯ ﮐﮯ ﻟﯿﮯ ﺑﮭﯽ۔ ﻓﺮﻗﺎﻥ ﺗﺎﯾﺎ ﻧﮯ ﺑﮭﯽ ﺍﺳﮯ ﮐﺘﻨﺎ ﻏﻠﻂ ﺳﻤﺠﮭﺎ ﺗﮭﺎ۔ ﺳﺐ ﺳﮯ ﺑﮍﮪ ﮐﺮ ﺣﯿﺎ ﻧﮯ ﺑﺰﻧﺲ ﺑﮭﯽ ﺳﻨﺒﮭﺎﻻ ﺗﮭﺎ ﯾﮧ ﺑﺎﺕ ﺑﮩﺖ ﮨﻤﺖ ﮐﯽ ﺗﮭﯽ۔ ﺳﻠﯿﻤﺎﻥ ﮐﯽ ﻃﺒﯿﻌﺖ ﺧﺮﺍﺏ ﮐﮯ ﺑﻌﺪ ﻓﺮﻗﺎﻥ ﮐﮯ ﺩﻝ ﻣﯿﮟ ﺑﮭﯽ ﻻﻟﭻ ﺍﺑﮭﺮ ﮔﺌﯽ ﯾﮧ ﺑﻠﮑﻞ ﺑﮭﯽ ﺍﭼﮭﯽ ﺑﺎﺕ ﻧﮩﯿﮟ ﺗﮭﯽ۔ ﮨﺮ ﮐﺮﺩﺍﺭ ﮨﯽ ﺍﭼﮭﮯ ﺍﻧﺪﺍﺯ ﻣﯿﮟ ﺑﯿﺎﻥ ﮐﯿﺎ ﮔﯿﺎ ﮨﮯ۔

ﮈﯼ ﺟﮯ ﮐﺎ ﮐﺮﺩﺍﺭ ﯾﺎﺩ ﮔﺎﺭ ﮨﯽ ﺭﮨﮯ ﮔﺎ۔ ﻭﮦ ﺑﮩﺖ ﮨﯽ ﻣﺰﺍﺣﯿﮧ ﻟﮍﮐﯽ ﺗﮭﯽ۔ ﺟﺲ ﮐﯽ ﻣﻮﺕ ﮐﺎ ﺑﮯﺣﺪ ﺻﺪﻣﮧ ﺩﻝ ﮐﻮ ﭘﮩﻨﭽﺎ ﺗﮭﺎ۔ ﺍﺱ ﮐﯽ ﺑﺎﺕ " ﺍﻧﺴﺎﻥ ﮐﻮ ﮐﻮﺋﯽ ﭼﯿﺰ ﻧﮩﯿﮟ ﮨﺮﺍ ﺳﮑﺘﯽ ﺟﺐ ﺗﮏ ﻭﮦ ﺧﻮﺩ ﮨﺎﺭ ﻧﮧ ﻣﺎﻥ ﻟﮯ " ﺍﺑﮭﯽ ﺗﮏ ﺩﻝ ﻣﯿﮟ ﻣﻮﺟﻮﺩ ﮨﮯ۔ ﺍﺱ ﺍﯾﮏ ﺟﻤﻠﮯ ﻧﮯ ﻭﺍﻗﻌﯽ ﺯﻧﺪﮔﯽ ﻣﯿﮟ ﺑﮩﺖ ﺍﮨﻢ ﮐﺮﺩﺍﺭ ﺍﺩﺍ ﮐﯿﺎ ﮨﮯ۔ ﺍﺱ ﺟﻤﻠﮯ ﮐﻮ ﺳﻮﭺ ﮐﺮ ﯾﻮﮞ ﻟﮕﺘﺎ ﮨﮯ ﺟﯿﺴﮯ ﮨﻤﺖ ﻣﻞ ﺭﮨﯽ ﮨﻮ۔ ﺍﺱ ﻧﮯ ﺍﭘﻨﮯ ﮨﺮ ﮈﺍﺋﻼﮒ ﻣﯿﮟ ﮨﯽ ﭼﮩﺮﮮ ﭘﺮ ﺳﻤﺎﺋﻞ ﺑﮑﮭﯿﺮ ﺩﯼ۔ ﻧﺎﻡ ﺑﮭﯽ ﺑﮩﺖ ﮨﯽ ﺍﻋﻠﯽ ﺗﮭﺎ " ﮈﮮ ﺟﮯ " ﺳﻮﭦ ﮐﺮﺗﺎ ﺗﮭﺎ ﺍﺳﮯ۔ ﮨﺎﻟﮯ ﻧﻮﺭ ﮐﻮ ﺑﮭﯽ ﭨﮭﯿﮏ ﺟﻮﺍﺏ ﺩﯾﺘﯽ ﺗﮭﯽ ﺍﻭﺭ ﭨﺎﻟﯽ ﺳﮯ ﺍﺳﮑﺎ ﺟﻠﻨﺎ ﺑﮩﺖ ﮨﯽ ﻣﺰﺍﺣﯿﮧ ﺗﮭﺎ۔ ﺳﺐ ﺳﮯ ﮐﯿﻮﭦ ﮐﺮﺩﺍﺭ ﮈﯼ ﺟﮯ ﮐﺎ ﮨﯽ ﺗﮭﺎ۔

ﻋﺎﺋﺸﮯ ﮔﻞ ﮐﺎ ﮐﺮﺩﺍﺭ ﺳﺐ ﺳﮯ ﺧﻮﺑﺼﻮﺭﺕ ﺗﮭﺎ۔ ﻧﮩﺎﯾﺖ ﮨﯽ ﺍﭼﮭﯽ ﻟﮍﮐﯽ ﺗﮭﯽ ﻭﮦ۔ ﺍﺱ ﻧﮯ ﮨﯽ ﺣﯿﺎ ﮐﻮ ﺑﺪﻟﻨﮯ ﻣﯿﮟ ﻣﺪﺩ ﺩﯼ۔ ﯾﮧ ﻣﻨﻈﺮ ﺗﮑﻠﯿﻒ ﺩﮦ ﺗﮭﺎ ﮐﮧ ﺍﺳﮯ ﺑﮭﯽ ﺟﮩﺎﻥ ﺳﮯ ﻣﺤﺒﺖ ﮨﻮ ﮔﺌﯽ۔ ﺣﯿﺎ ﮐﯽ ﻭﺟﮧ ﺳﮯ ﮨﯽ ﻭﮦ ﺍﺱ ﺳﮯ ﺩﻭﺭ ﮨﻮ ﮔﺌﯽ۔ ﯾﮧ ﺑﺎﺕ ﺑﮭﯽ ﺍﺱ ﮐﯽ ﺍﭼﮭﺎﺋﯽ ﮐﺎ ﺛﺒﻮﺕ ﺗﮭﯽ۔ ﺍﭘﻨﯽ ﺑﮩﻦ ﮐﻮ ﺑﮭﯽ ﺑﮩﺖ ﺍﭼﮭﮯ ﺳﺒﻖ ﺳﮑﮭﺎﺗﯽ ﺭﮨﯽ ﻭﮦ۔ ﺍﯾﮏ ﺍﭼﮭﯽ ﺑﮩﻦ ﮐﺎ ﮐﺮﺩﺍﺭ ﺑﮭﯽ ﺑﮩﺖ ﺧﻮﺏ ﻧﺒﮭﺎﯾﺎ ﺍﺱ ﻧﮯ۔ ﻭﺍﻗﻌﯽ ﺍﭘﻨﮯ ﺳﮯ ﭼﮭﻮﭨﯽ ﺑﮩﻨﻮﮞ ﺍﻭﺭ ﺑﯿﭩﯿﻮﮞ ﮐﻮ ﯾﮧ ﺳﺒﻖ ﺳﮑﮭﺎﻧﮯ ﭼﺎﮨﯿﺌﯿﮟ ﺗﺎ ﮐﮧ ﻭﮦ ﺍﭼﮭﯽ ﻣﺴﻠﻤﺎﻥ ﺑﻨﯿﮟ۔ ﯾﮧ ﺑﺎﺕ ﻣﯿﮟ ﻧﮯ ﺑﮭﯽ ﺳﯿﮑﮭﯽ ﮨﮯ۔

ﺟﮩﺎﻥ ﮐﮯ ﮐﺮﺩﺍﺭ ﮐﻮ ﺗﻮ ﺑﯿﺎﻥ ﮐﺮﻧﮯ ﮐﮯ ﻟﯿﮯ ﻟﻔﻆ ﻧﮩﯿﮟ ﮨﯿﮟ۔ ﻣﮕﺮ ﺟﯿﺴﮯ ﺍﺱ ﻧﮯ ﺣﯿﺎ ﺳﮯ ﺑﮯﺭﺧﯽ ﺑﺮﺗﯽ ﺗﮭﯽ ﻏﺼﮧ ﮨﯽ ﺁﺗﺎ ﺗﮭﺎ۔ ﺣﯿﺎ ﮐﮧ ﭘﯿﭽﮭﮯ ﺑﮩﺖ ﻟﻮﮔﻮﮞ ﮐﻮ ﻟﮕﺎﯾﺎ ﺍﺱ ﻧﮯ۔ ﺳﺐ ﺳﮯ ﺑﮍﮪ ﮐﺮ ﻋﺒﺪﺍﻟﺮﺣﻤﺎﻥ ﺑﻦ ﮐﺮ ﺑﮭﯽ ﺍﺱ ﮐﻮ ﭘﺮﯾﺸﺎﻥ ﮐﯿﺎ۔ ﺧﯿﺮ ﯾﮧ ﺗﻮ ﻣﻌﻠﻮﻡ ﮨﮯ ﮐﮧ ﺍﺱ ﮐﺎ ﻣﻘﺼﺪ ﺣﯿﺎ ﮐﻮ ﺗﻨﮓ ﮐﺮﻧﺎ ﻧﮩﯿﮟ ﺗﮭﺎ۔ ﺣﯿﺮﺕ ﺗﻮ ﯾﮧ ﭘﮍﮪ ﮐﺮ ﮨﻮﺋﯽ ﺗﮭﯽ ﮐﮧ ﺑﮩﺎﺭﮮ ﮔﻞ ﺟﮩﺎﻥ ﺳﮯ ﺷﺎﺩﯼ ﮐﺮﻧﮯ ﮐﯽ ﺑﺎﺕ ﮐﺮ ﺭﮨﯽ ﺗﮭﯽ۔ ﻣﺎﻣﻮﺅﮞ ﮐﻮ ﻣﻌﺎﻑ ﮐﺮ ﮐﮯ ﺑﮭﯽ ﺍﺱ ﻧﮯ ﺑﮍﮮ ﻇﺮﻑ ﮐﺎ ﻣﻈﺎﮨﺮﮦ ﮐﯿﺎ۔ ﻣﻠﮏ ﮐﯽ ﺧﺪﻣﺖ ﮐﯽ ﺟﺒﮑﮧ ﺍﺱ ﮐﮯ ﺑﺮ ﻋﮑﺲ ﺍﺱ ﮐﮯ ﺑﺎﭖ ﻧﮯ ﻏﺪﺍﺭﯼ ﮐﯽ ﺗﮭﯽ۔ ﺟﮩﺎﻥ ﺳﮯ ﺑﮩﺖ ﮐﭽﮫ ﺳﯿﮑﮭﻨﮯ ﮐﻮ ﻣﻼ۔ ﭘﺮﻓﯿﻮﻡ ﮐﮯ ﺍﺻﻠﯽ ﻧﻘﻠﯽ ﮨﻮﻧﮯ ﮐﯽ ﺑﮭﯽ ﭘﮩﭽﺎﻥ ﺳﻤﺠﮫ ﻣﯿﮟ ﺁ ﮔﺌﯽ۔

ﮨﺎﻟﮯ ﻧﻮﺭ ﺑﮭﯽ ﺍﯾﮏ ﺍﭼﮭﯽ ﻟﮍﮐﯽ ﺗﮭﯽ۔ ﻣﻌﺘﺼﻢ ﮐﺎ ﮐﺮﺩﺍﺭ ﺑﮭﯽ ﺍﭼﮭﺎ ﺗﮭﺎ ﺍﺱ ﻧﮯ ﺣﯿﺎ ﮐﯽ ﺑﮩﺖ ﻣﺪﺩ ﮐﯽ ﺗﮭﯽ۔

ﺟﮩﺎﮞ ﺗﮏ ﻭﻟﯿﺪ ﺍﻭﺭ ﺣﯿﺎ ﮐﯽ ﮐﺰﻥ ﺍﺭﻡ ﮐﯽ ﺑﺎﺕ ﮨﮯ ﺍﻥ ﮐﺎ ﺗﻮ ﺫﮐﺮ ﮐﺮﻧﮯ ﮐﺎ ﺩﻝ ﮨﯽ ﻧﮩﯿﮟ ﭼﺎﮨﺘﺎ۔ ﺍﺭﻡ ﺍﻭﺭ ﻭﻟﯿﺪ ﺩﻭﻧﻮﮞ ﺑﻠﮑﻞ ﺑﮭﯽ ﺍﭼﮭﮯ ﻧﮩﯿﮟ ﺗﮭﮯ۔ ﺩﻭﻧﻮﮞ ﻧﮯ ﺣﯿﺎ ﮐﮯ ﺳﺎﺗﮫ ﺑﻠﮑﻞ ﺑﮭﯽ ﺍﭼﮭﺎ ﻧﮩﯿﮟ ﮐﯿﺎ۔ ﺟﮩﺎﻥ ﻧﮯ ﺟﻮ ﺳﯽ ﮈﯼ ﺑﺪﻟﻨﮯ ﮐﺎ ﮐﺎﻡ ﮐﯿﺎ ﻭﮦ ﻧﮩﺎﯾﺖ ﺯﺑﺮﺩﺳﺖ ﺗﮭﺎ۔ ﺍﺭﻡ ﮐﺎ ﺗﻮ ﭼﮩﺮﮦ ﺩﯾﮑﮭﻨﮯ ﻭﺍﻻ ﮨﻮ ﮔﺎ۔ ﺟﮩﺎﻥ ﮐﻮ ﺣﯿﺎ ﮐﮯ ﺁﺋﯽ ﻟﻮ ﯾﻮ ﮐﺎ ﺟﻮﺍﺏ ﺑﮭﯽ ﺩﯾﻨﺎ ﭼﺎﮨﯿﮯ ﺗﮭﺎ۔

ﻧﺎﻭﻝ ﮐﮯ ﺁﺧﺮ ﻣﯿﮟ ﻋﺎﺋﺸﮯ ﺍﻭﺭ ﺑﮩﺎﺭﮮ ﮐﯽ ﺑﮩﺖ ﯾﺎﺩ ﺁﺋﯽ۔ ﯾﮧ ﻧﺎﻭﻝ ﮨﻤﯿﺸﮧ ﮨﯽ ﯾﺎﺩ ﺭﮨﮯ ﮔﺎ۔ ﺧﻮﺏ ﻟﮑﮭﺎ ﮨﮯ۔

ﺗﻨﻘﯿﺪ ﯾﮩﯽ ﮐﮧ ﺟﮩﺎﻥ ﮐﻮ ﺳﺐ ﮐﭽﮫ ﮨﯽ ﭘﺘﮧ ﭼﻞ ﺟﺎﺗﺎ ﺗﮭﺎ۔ ﺟﯿﺴﮯ ﮐﮧ ﺣﯿﺎ ﺍﺱ ﮐﮯ ﮔﮭﺮ ﮐﮯ ﺑﺎﮨﺮ ﺁ ﮔﺌﯽ ﮨﮯ۔ ﻭﻏﯿﺮﮦ ﻭﻏﯿﺮﮦ۔ ﺳﺎﺭﮮ ﺑﻨﺪﮮ ﮨﯽ ﺍﺱ ﮐﮯ ﺍﭘﻨﮯ ﺗﮭﮯ ﺣﯿﺎ ﮐﮧ ﺳﺎﺗﮫ۔ ﺍﻭﺭ ﻭﮦ ﻭﮨﺎﮞ ﻭﻗﺖ ﭘﺮ ﺑﮭﯽ ﭘﮩﻨﭻ ﮔﯿﺎ ﺟﮩﺎﮞ ﺣﯿﺎ ﮐﻮ ﻟﻮﮔﻮﮞ ﻧﮯ ﺑﺎﻧﺪﮬﺎ ﺍﻭﺭ ﺍﺱ ﮐﮯ ﺳﺮ ﭘﺮ ﻭﯾﮑﺲ ﮈﺍﻟﯽ ﺗﮭﯽ۔ ﺑﺲ ﯾﮧ ﺑﺎﺗﯿﮟ ﺣﻘﯿﻘﺖ ﺳﮯ ﺩﻭﺭ ﻟﮕﯿﮟ۔ ﺍﻭﺭ ﺩﻭﺳﺮﯼ ﺑﺎﺕ ﻧﮧ ﮨﯽ ﮐﺒﮭﯽ ﺟﮩﺎﻥ ﻧﮯ ﺍﺳﮯ ﺁﺋﯽ ﻟﻮ ﯾﻮ ﮐﮩﺎ ﺍﻭﺭ ﻧﮧ ﮨﯽ ﮐﺒﮭﯽ ﺑﮯﭼﺎﺭﯼ ﮐﺎ ﮨﺎﺗﮫ ﭘﮑﮍﺍ۔ ﺍﺏ ﺑﻨﺪﮮ ﮐﻮ ﺍﺗﻨﺎ ﺗﻮ ﺳﻨﺠﯿﺪﮦ ﻧﮩﯿﮟ ﮨﻮﻧﺎ ﭼﺎﮨﯿﮯ۔ ﺧﯿﺮ ﻭﺍﻗﻌﯽ ﯾﮧ ﺳﺐ ﯾﺎﺩﮔﺎﺭ ﺭﮨﮯ ﮔﺎ۔ ﮐﺎﺵ ﮐﮧ ﺍﺱ ﮐﺎ ﺩﻭﺳﺮﺍ ﭘﺎﺭﭦ ﺑﮭﯽ ﺁ ﺟﺎﺗﺎ ﺗﻮ ﮐﯿﺎ ﮨﯽ ﻣﺰﮦ ﺁﺗﺎ۔

Comments




POST A COMMENT